«Իսկ հեղուկ գազն ի՞նչ եղավ». օգտատերը՝ Գևորգ Պապոյանին

Էկոնոմիկայի նախարար Գևորգ Պապոյանը ֆեյսբուքյան իր էջում գրել էր, որ «միայն նախորդող օրվա ընթացքում Վերին Լարսը անցել և ՌԴ է մտել հայկական շշալցված կոնյակով բեռնված 24 բեռնատար»: Մեկնաբանությունների բաժնում օգտատերերից Զորո Սողոմոնյանը հարցրել է. «Իսկ հեղուկ գազն ի՞նչ եղավ։ Ասում էիք՝ արդեն մտնում են ՀՀ, բայց գազի գինն ավելի բարձրացավ՝ 200 դրամ»: Նախարարն արձագանքել է, որ «հարցը Մրցակցության պաշտպանության հանձնաժողովի տիրույթում է»: Ի պատասխան՝ օգտատերը նշել է. «Հարցը էն ա, որ մինչև պատկան մարմինները շարժվում են, մոնոպոլներն արդեն հասցնում են մի քանի միլիարդ գերշահույթ ստանալ։ ՀՀ-ում էլ մրցակցություն չկա։
Կա երեք մոնոպոլ, որոնք իրար բերան .... են, Մաքս, Ֆլեշ, Սի Փի Էս, նրանք են որոշում գինը ու պահում։ Մնացածը վտակներ են։ Արդեն մոտ 15 օր ա, որ գրել եք, թե գազը մտել ա ՀՀ, բայց գնալով ավելի թանկացավ։ Ստեղից պարզա դառնում, որ էտ հանձնաժողովը տեղից չի շարժվում, չի էլ կարա շարժվի, քանի որ տվյալ մոնոպոլների վրա չի կարա ազդի»: