Ֆրանսիայի «միջուկային գաղտնիքները» հաքերային հարձակման են ենթարկվել

Neferpitou կեղծանունն օգտագործող հաքերը հասանելիություն է ստացել ռազմանավերի շինարարությամբ զբաղվող ֆրանսիական Naval Group պաշտպանական ընկերության ներքին տվյալներին: Այս մասին հայտնել է France3 հեռուստաալիքը։

Քիբերհանցագործը ցանցում տեղադրել է 13 գիգաբայթ ծավալով տեղեկատվություն, այդ թվում՝ Ֆրանսիայի միջուկային գաղտնիքները: Հրապարակված տվյալները ներառում էին ֆրանսիական ֆրեգատների և միջուկային սուզանավերում օգտագործվող մարտական համակարգերի ծածկագրերը, զենքի ծրագրային ապահովումը, ձեռնարկները և այլ տեղեկատվություն։

Քիբերհանցագործության փորձագետ Կլեմենտ Դոմիգոն հաստատել է, որ այս տվյալները հրապարակվել են համացանցում: