Թուրքիան Վրաստանին է հանձնել ՆԱՏՕ-ի չափանիշներին համապատասխանող VURAN զրահափոխադրիչներ

Վրաստանի պաշտպանության նախարարությունը հայտնում է, որ Թուրքիան Վրաստանին է հանձնել VURAN զրահափոխադրիչներ: Այս զրահափոխադրիչները համապատասխանում են ՆԱՏՕ-ի չափանիշներին և հանձնվել են Վրաստանի հետ կնքված համաձայնագրի շրջանակներում:

Vuran զրահափոխադրիչը թուրքական ականազերծված մեքենա է, որը ստեղծվել և արտադրվել է BMC-ի կողմից՝ Թուրքիայի ցամաքային ուժերի կարիքները բավարարելու համար:

Ռազմական տեխնիկայի հանձնման արարողությունը տեղի է ունեցել Վազիանիի 4-րդ հետևակային բրիգադի բազայում:

Պաշտոնական հաղորդագրությունը չի տրամադրում Վրաստանի պաշտպանության ուժերին հանձնված զրահափոխադրիչների թվի մասին տեղեկատվություն: Այնուամենայնիվ, Պաշտպանության նախարարության կողմից հրապարակված տեսանյութում կարելի է տեսնել առնվազն 36 զրահափոխադրիչ:

Ստոկհոլմի միջազգային խաղաղության հետազոտությունների ինստիտուտի (SIPRI) տվյալներով՝ 2022 թվականին Վրաստանը պայմանագիր է կնքել 46 Vuran զրահափոխադրիչ գնելու համար: