Վրաստանն առաջին անգամ ավելի շատ ռուսական գազ է գնել, քան ադրբեջանական

Ադրբեջանից Վրաստան գազի ներմուծումը նվազել է 8%-ով, մինչդեռ Ռուսաստանից մատակարարումները աճել են 26%-ով, հաղորդում են վրացական լրատվամիջոցները։

2025 թվականի առաջին կեսին գազի գնումների ընդհանուր ծավալը հասել է 226 միլիոն դոլարի, ինչը 6%-ով ավելի է նախորդ տարվա նույն ժամանակահատվածի ցուցանիշից։

Պատմության մեջ առաջին անգամ ռուսական գազի ներմուծման ծավալը գերազանցել է Ադրբեջանից մատակարարումները։

Այսպիսով, 2025 թվականի առաջին վեց ամիսներին Վրաստան է արտահանվել 1,1 միլիարդ խորանարդ մետր ադրբեջանական գազ՝ 0,2 միլիարդ խորանարդ մետրով կամ 18,2%-ով պակաս, քան 2024 թվականի նույն ժամանակահատվածում։