Ուկրաինան գազ կգնի Ադրբեջանից

«Նաֆթոգազ»-ը կնքել է իր առաջին համաձայնագիրը SOCAR Energy Ukraine-ի (ադրբեջանական SOCAR պետական նավթային ընկերության դուստր ձեռնարկություն) հետ գազի գնման վերաբերյալ, հայտարարել է ուկրաինական ընկերության խորհրդի նախագահ Սերգեյ Կորեցկին։

Համաձայնագիրը նախատեսում է փոքր ծավալի փորձնական մատակարարում։ Գազը Ուկրաինա կմատակարարվի Տրանսբալկանյան միջանցքով՝ Բուլղարիայի և Ռումինիայի միջոցով։

Գործարքի այլ մանրամասներ չեն նշվում։ Կորեցկին այն անվանել է «ռազմավարական կարևոր քայլ, որը բացում է Կիևի և Բաքվի միջև երկարաժամկետ համագործակցության ճանապարհը» և դիվերսիֆիկացնում է մատակարարման աղբյուրները։