«Իսրայելն իմ դեմ մահափորձ էր ծրագրել». Արաղչի

Իրանի արտաքին գործերի նախարար Աբբաս Արաղչին հայտարարել է, որ Իսրայելը ծրագրել էր իր դեմ մահափորձ՝ նախարարի բնակության դիմաց գտնվող տանը ռումբ տեղադրելով։
«Մեր բնակության վայրում, դիմացի տանը ռումբ է տեղադրվել», - ասել է նա։

Իսլամական համագործակցության կազմակերպության արտաքին գործերի նախարարների խորհրդի 51-րդ նիստին մասնակցելու համար Թուրքիա կատարած իր այցի ժամանակ նրան նաև մի քանի անգամ զգուշացրել են, որ իսրայելական անօդաչու թռչող սարքեր են թռչում իրենց գլխավերևում։ Այնուհետև նրանք անմիջապես ձեռնարկել են անհրաժեշտ միջոցներ, այդ թվում՝ անջատել են իրենց հեռախոսները։