«Օբաման հանցագործություն է կատարել». Թրամփ

ԱՄՆ-ի նախագահ Դոնալդ Թրամփը կարծում է, որ նախկին պետության ղեկավար Բարաք Օբաման հանցագործություն է կատարել դեմոկրատների հետ կապված իրավիճակում՝ տարածելով Ռուսաստանի կողմից 2016 թվականի ԱՄՆ-ի ընտրություններին միջամտության մասին միտումնավոր կեղծ տեղեկատվություն։
«Նա հանցագործություն է կատարել, դրանում կասկած չկա», - ասել է Թրամփը Սպիտակ տան Հարավային մարգագետնում լրագրողների հետ զրույցի ժամանակ։ Նրան հարցրել են, թե արդյո՞ք Օբաման կօգտվի նախկին պետությունների ղեկավարների՝ քրեական հետապնդումից մասնակի անձեռնմխելիությունից, որը ԱՄՆ-ի Գերագույն դատարանը հաստատել է Թրամփի համար 2024 թվականին։

«Դա, հավանաբար, շատ կօգնի նրան, բայց չի օգնի նրա շրջապատի մարդկանց»,- նշել է ամերիկյան վարչակազմի ղեկավարը։ «Նա անձեռնմխելիություն ունի, և դա, հավանաբար, կօգնի [խուսափել քրեական հետապնդումից]»,- ընդգծել է Թրամփը։

Ինչպես նախկինում հաղորդել էր Fox News-ը՝ հղում անելով Ազգային հետախուզության տնօրեն Թալսի Գաբարդի նախաձեռնությամբ գաղտնազերծված ՝Ներկայացուցիչների պալատի հետախուզության հատուկ հանձնաժողովի 2020 թվականի զեկույցին, Օբաման հրահանգել է հետախուզական գործակալություններին 2017 թվականի զեկույցում ներառել այն պնդումները, որ Ռուսաստանը 2016 թվականի նախագահական ընտրություններում նախապատվություն է տվել Թրամփին։