«Ձերբակալված ռուսաստանցիների ազատ արձակումը նշանակալի քայլ կլիներ ՌԴ-Ադրբեջան հարաբերությունների կարգավորման ուղղությամբ»․ Զախարովա

Բաքվի կողմից ձերբակալված ռուսաստանցիների ազատ արձակումը նշանակալի քայլ կլինի Ռուսաստանի և Ադրբեջանի միջև հարաբերությունների կարգավորման ուղղությամբ, հայտնել է ՌԴ ԱԳՆ խոսնակ Մարիա Զախարովան։

«Այս պահին Ադրբեջանի հետ երկկողմ հարաբերությունները, մեղմ ասած, դժվարին փուլում են։ Ռուսաստանը վճռական է տրամադրված ապահովելու, որ դա չձգձգվի, և մենք հույս ունենք, որ իրավիճակն արագ կկարգավորվի։ Այս ճանապարհին նշանակալի քայլ կլիներ ՌԴ քաղաքացիների ազատ արձակումը, որոնք շարունակում են պահվել Ադրբեջանի իշխանությունների կողմից», - ճեպազրույցի ժամանակ նշել է Զախարովան։