Թաիլանդի 4 նահանգներում բնակիչներին տարհանում են

Կամբոջային սահմանակից Թաիլանդի չորս նահանգների իշխանությունները հրամայել են տարհանել բնակիչներին՝ լարվածության սրման պատճառով, հաղորդում է Nation տեղական հրատարակությունը։
«Կամբոջային սահմանակից չորս նահանգների նահանգապետերը, որտեղ հինգշաբթի բախումներ են տեղի ունեցել, հրամայել են տարհանել սահմանի մոտ ապրող բնակիչներին», - հաղորդում է Nation-ը։
Ըստ աղբյուրի՝ խոսքը Սուրին, Բուրիրամ, Սիսակետ և Ուբոն Ռաչաթհանի նահանգների մասին է։

Ավելի վաղ Թաիլանդի և Կամբոջայի սահմանին զորքերի միջև բախումներ են եղել, որոնք սկսվել են վիճելի տարածքում ցամաքային զորքերի միջև փոխհրաձգությունից։