«Բայդենը 10 միլիոն դոլարով վաճառել է իր հուշագրությունները հրատարակելու իրավունքը»․ #WSJ

ԱՄՆ նախկին նախագահ Ջո Բայդենն իր նախագահական հուշագրությունները վաճառել է Hachette Book Group հրատարակչությանը՝ 10 միլիոն դոլար կանխավճարով, հաղորդում է The Wall Street Journal-ը՝ հղում անելով տեղեկացված աղբյուրներին։

Հրատարակչությունը դեռևս չի հայտարարել հուշագրությունների թողարկման ճշգրիտ ամսաթիվը, հաղորդում է թերթը։

Թերթը հիշեցրել է, որ 2017 թվականին նախկին նախագահ Բարաք Օբամայի և նախկին առաջին տիկին Միշել Օբամայի հուշագրությունների իրավունքները վաճառվել են 60 միլիոն դոլարով, իսկ Բիլ Քլինթոնի «Իմ կյանքը» (2004) ինքնակենսագրությունը՝ 15 միլիոն դոլարով։