«Չնայած ցավալի է, բայց ՅՈՒՆԵՍԿՕ-ն պատրաստ էր դրան». գլխավոր տնօրենը` Թրամփի որոշման մասին
![]() ՅՈՒՆԵՍԿՕ-ի գլխավոր տնօրեն Օդրի Ազուլեյն ափսոսանք է հայտնել ԱՄՆ-ի նախագահ Դոնալդ Թրամփի՝ երկիրը կազմակերպությունից դուրս բերելու որոշման կապակցությամբ, հաղորդում է EFE-ն։ «Չնայած ցավալի է, բայց այս հայտարարությունը կանխատեսելի էր, և ՅՈՒՆԵՍԿՕ-ն պատրաստ էր դրան»,- ասել է նա։ Ըստ նրա՝ ԱՄՆ-ի դուրս գալու պատճառները նույնն են, ինչ յոթ տարի առաջ, երբ Թրամփը նմանատիպ որոշում կայացրեց իր առաջին նախագահական ժամկետի ընթացքում։ Սակայն, այդ ժամանակվանից ի վեր, ինչպես ընդգծեց Ազուլեյը, կազմակերպության ներսում իրավիճակը զգալիորեն փոխվել է։ Նա հիշեցրեց իրականացված կառուցվածքային բարեփոխումները և «ֆինանսավորման աղբյուրների դիվերսիֆիկացիան»։ Ներկայում ԱՄՆ-ի ներդրումը կազմում է ՅՈՒՆԵՍԿՕ-ի ընդհանուր բյուջեի մոտ 8%-ը։ Միևնույն ժամանակ, կազմակերպությունը չի պլանավորում կրճատել ծախսերը։ Ֆրանսիայի նախագահ Էմանուել Մակրոնը նույնպես մեկնաբանել է Թրամփի որոշումը և ասել, որ Փարիզը կշարունակի աջակցել ՅՈՒՆԵՍԿՕ-ին։ «Անսասան աջակցություն ՅՈՒՆԵՍԿՕ-ին՝ գիտության, օվկիանոսի, կրթության, մշակույթի և համաշխարհային ժառանգության համընդհանուր պաշտպանին։ «ԱՄՆ-ի դուրս գալը կազմակերպությունից չի թուլացնի մեր նվիրվածությունը նրանց, ովքեր առաջնորդում են այս պայքարը», - գրել է Մակրոնը X սոցիալական ցանցում։ Հիշեցնենք, որ հուլիսի 22-ին Սպիտակ տունը հայտարարեց, որ ԱՄՆ-ի նախագահ Դոնալդ Թրամփը որոշել է դուրս բերել Միացյալ Նահանգները ՅՈՒՆԵՍԿՕ-ից։ Վաշինգթոնը հայտարարել է, որ կազմակերպությունն, իբր, աջակցում է նախաձեռնություններին, որոնք չեն համապատասխանում ԱՄՆ-ի շահերին։ |

«Փաշինյանն Ալիևի «աբսլուգն է»». Սուրեն Սուրենյանց
8120:06
«Գույնը դուրս չի գալիս, եթե մեռնի, քպ-ին հետը կդնեք». Դավիթ Ամալյան
9519:54
«Թրաշը տենց բան ա». Անժելա Էլիբեգովա
9519:42
«Հանքային ջրի աղբյուրն ազատագրված է». Քնարիկ Պետրոսյան (տեսանյութ)
9319:24
«Մեր բոլոր պրոբլեմները չհասկանալու արդյունք են»․ Կարեն Ադոնց
10117:36
Փարիզում ոստիկանները ցույցի են դուրս եկել Ելիսեյան պալատի մոտ (տեսանյութ)
15716:55
