Ռուսաստանի և Ուկրաինայի միջև բանակցությունները կարող են կայանալ այս շաբաթ

Մոսկվայի և Կիևի միջև բանակցությունների հաջորդ փուլը կարող է տեղի ունենալ Ստամբուլում՝ հուլիսի 24-25-ին։ Այս մասին ՏԱՍՍ-ին հայտնել է իր աղբյուրը։

Ավելի վաղ ՏԱՍՍ-ի աղբյուրը հայտնել էր, որ ռուս-ուկրաինական բանակցությունների վայրը կմնա Ստամբուլը։ Ռուսական բանակցային խմբին մոտ կանգնած մեկ այլ աղբյուր հաստատել է, որ Ուկրաինան առաջարկել է Ռուսաստանին այս շաբաթ անցկացնել բանակցությունների նոր փուլ։

Վլադիմիր Զելենսկին իր Telegram ալիքի տեսաուղերձում հայտնել է, որ Ստամբուլի բանակցություններում Կիևի պատվիրակության ղեկավար, Ուկրաինայի ազգային անվտանգության և պաշտպանության խորհրդի քարտուղար Ռուստեմ Ումերովը ռուսական կողմին է ներկայացրել այս շաբաթ բանակցությունների նոր փուլ անցկացնելու առաջարկը։