«Ալիևը բացեց Աբու Դաբիի հանդիպման փակագծերը»․ Նորայր Նորիկյան

«Արդար Հայաստան» կուսակցության նախագահ Նորայր Նորիկյանը ֆեյսբուքյան իր էջում գրել է. «Եվ Դուք մեզ ուզում եք համոզել, որ մեզ վրա այսպես ցինիկաբար ծիծաղացող, մեզ այսպես հրապարակայնորեն ստորացնող Ալիևի հետ խաղաղության պայմանագիր եք պատրաստվում կնքել ու մեզ տևական խաղաղություն եք բերում, հա՞․․․
Սա խաղաղություն չէ, Նիկո՛լ, սա մեզանից յուրաքանչյուրի արժանապատվությունն ու ինքնասիրությունը մինչև վերջ ստորացնել է։
Ալիևը բացեց Աբու Դաբիի փակագծերը։
Ինձ համար արդեն իսկ ամեն ինչ պարզ է․ Առաջիկայում իրենց առաջարկով, իրականում՝ պահանջով, նախաստորագրելու եք ինչ-որ փաստաթուղթ, որի անունը դնելու եք «Խաղաղության պայմանագիր»։
Ալիևը Ձեզ ժամանակ է տալու ընտրություններից հետո փոխել Սահմանադրությունը, որի տեքստից կարելի է արդեն համոզված պնդել, որ խոստացել եք հեռացնել պրեամբուլան։
Հետո Ձեզանից պահանջելու և ստանալու են ԵԱՀԿ Մինսկի խմբի լուծարման համատեղ դիմումի ստորագրությունը։
Մնում է մի հարցի պատասխան տաք, թե ինչպե՞ս եք «ապահովելու» 300 հազար ադրբեջանցիների «վերադարձը» «Արևմտյան Ադրբեջան»։
Իսկապես ապշած եմ Ձեր պահվածքից ու Հայաստանի ներսում Ձեր վարած քաղաքականությունից։
Դուք չե՞ք լսում ու կարդում Ալիևի ասածները, Դուք չե՞ք տեսնում, թե այդ մարդն իրականում ի՞նչ է ուզում մեզանից։
Ես պահանջում եմ, որ Դուք հրապարակեք Ալիևի հնչեցրած պայմանների վերաբերյալ Ձեր պատասխանները։
Դուք Աբու Դաբիում ի՞նչ պատասխան եք տվել Ալիևի ներկայացրած վերը նշված պահանջներին։
Ի վերջո, որքա՞ն է տևելու այս ինքնախաբերությունն ու մեր ժողովրդին հիմարի տեղ դնելու գործընթացը»։