Ուկրաինան ՌԴ-ին առաջարկել է հաջորդ շաբաթ բանակցություններ անցկացնել

Ուկրաինան Ռուսաստանին առաջարկել է հաջորդ շաբաթ անցկացնել բանակցությունների նոր փուլ։

Այս մասին հայտնել է Ուկրաինայի նախագահ Վլադիմիր Զելենսկին՝ Ազգային անվտանգության և պաշտպանության խորհրդի քարտուղար Ումերովի հետ հանդիպումից հետո։

Նրա խոսքով՝ փոխանակումների վերաբերյալ երկխոսությունը շարունակվում է, և Ստամբուլում նախորդ հանդիպման ժամանակ ձեռք բերված պայմանավորվածությունները կյանքի են կոչվում։ Այժմ աշխատանքներ են տարվում հաջորդ փոխանակման ուղղությամբ։

Զելենսկու խոսքով՝ «բանակցային դինամիկան պետք է ամրապնդվի», և Ռուսաստանը պետք է «դադարի որոշումներ կայացնելուց խուսափելուց»։

«Եվ անհրաժեշտ է առաջնորդների մակարդակով հանդիպում՝ իսկապես կայուն խաղաղություն ապահովելու համար։ Ուկրաինան պատրաստ է նման հանդիպման», - ասել է Ուկրաինայի նախագահը։