«Դժոխային գիշեր և առավոտ». Ռուսաստանը հրթիռակոծել է Պավլոգրադը, Օդեսան, Խերսոնը

Հուլիսի լույս 19-ի գիշերը ռուսական զորքերը զանգվածային հարձակում են իրականացրել ուկրաինական Պավլոգրադի վրա՝ օգտագործելով հրթիռներ և անօդաչու թռչող սարքեր։ Այս մասին Telegram-ում հայտնել է Դնեպրոպետրովսկի մարզային ռազմական վարչակազմի ղեկավար Սերգեյ Լիսակը։

«Դժոխային գիշեր և առավոտ Պավլոգրադի համար։ Քաղաքի վրա ամենազանգվածային հարձակումը։ Ռուս ահաբեկիչները թիրախավորել են հրթիռներ և անօդաչու թռչող սարքեր»,- գրել է նա։
Լիսակի խոսքով՝ քաղաքում վնասվել են հրշեջ ծառայություն, արդյունաբերական ձեռնարկություններ և հինգհարկանի բնակելի շենք։ Ռուսական զորքերը հարվածել են նաև Նիկոպոլի մարզին՝ FPV անօդաչու թռչող սարքերով և հրետանիով։ Մարգանեց, Միրովսկայա և Պոկրովսկայա համայնքները ենթարկվել են հրետակոծման։

Հուլիսի 19-ի գիշերը ռուսները հարձակվել են նաև Օդեսայի վրա, մեկ մարդ մահացել է։ Այս մասին հայտնել է Օդեսայի մարզի արտակարգ իրավիճակների պետական ծառայությունը, որը ներկայացրել է քաղաքում ռուսական հերթական հրետակոծության հետևանքները: Նշվում է, որ հարձակման պատճառով հրդեհ է բռնկվել 9 հարկանի բնակելի շենքի 6-րդից 9-րդ հարկերում: «Հինգ մարդ փրկվել է այրվող բնակարաններից, ցավոք, մեկ փրկված կին մահացել է: Դեպքի վայրում աշխատել են արտակարգ իրավիճակների պետական ծառայության և ազգային ոստիկանության հոգեբանները...», - ասվում է հաղորդագրության մեջ:

Խերսոնում ռուսական անօդաչու թռչող սարքի հարձակման հետևանքով վիրավորվել է երկու մարդ, հայտնել է Խերսոնի տարածաշրջանային ռազմական վարչակազմի մամուլի ծառայությունը: