«Իրանի միջուկային օբյեկտներից միայն մեկն էր տուժել ԱՄՆ հարվածներից»․ #NBC

NBC-ն, հղում անելով ԱՄՆ վարչակազմի պաշտոնյաներին, պնդում է, որ հունիսի 22-ի գիշերը ԱՄՆ-ի կողմից իրականացված հարձակման ժամանակ Իրանի երեք միջուկային օբյեկտներից միայն մեկն է գործնականում ոչնչացվել:

«Անցյալ ամիս Իրանում Միացյալ Նահանգների կողմից հարվածի ենթարկված ուրանի հարստացման երեք օբյեկտներից մեկը գործնականում ոչնչացվել է, ինչը զգալիորեն խոչընդոտել է այնտեղ իրականացվող աշխատանքին: Սակայն մյուս երկուսն այդքան էլ վնասված չեն եղել և, հավանաբար, կարող են վերսկսել հարստացումը հաջորդ մի քանի ամիսների ընթացքում, եթե Իրանը որոշի դա անել», - հաղորդել է NBC-ի կայքը՝ հղում անելով ԱՄՆ կառավարության աղբյուրներին:

Ավելի վաղ Իրանի միջուկային օբյեկտների վրա ԱՄՆ հարվածները նախագահ Թրամփն անվանել է «լիակատար ոչնչացում»։