«Քանի դեռ ժողովրդին ավելի շատ հետաքրքրում է ադիբուդին, քան Աբու Դաբին, որևէ հարց չի լուծվելու»․ Արմեն Աշոտյան

«Մինչև մեր ժողովրդին ավելի շատ հետաքրքրում է ադիբուդին, քան Աբու Դաբին, որևէ հարց չի լուծվելու»,- այսօր իր գործով դատական նիստի ավարտից հետո լրագրողների հետ զրույցում նշեց ՀՀԿ փոխնախագահ Արմեն Աշոտյանը։

«Այսօր Նիկոլն էլ ասուլիսին ասաց՝ դեմ եք ինձ, ելե՛ք ինձ փոխեք։ Այսինքն՝ ինքը, ժողովո՛ւրդ ջան, քո լռությունն ընդունում է՝ որպես համաձայնության նշան, ոչ թե ՝որպես սթրեսի, հոգնածության, հիասթափության, ջղայնության նշան։ Նիկոլը մեր հավաքական լռությունը, որն ուրիշ պատճառներով է, մեկնաբանում է՝ որպես համաձայնության նշան։ Կարծում եմ՝ ժողովուրդը հերթական չելենջն է ստացել»,- նշեց Աշոտյանը։