«Որպես քաղաքական դերակատար չեմ տեսել, դեռևս չեմ կարող գնահատական տալ»․ Արթուր Վանեցյան

«Սամվել Կարապետյանին ճանաչում եմ վաղուց, ունեմ լավ վերաբերմունք նրա նկատմամբ, շատ ցավում եմ, որ նրա հետ նման բան է տեղի ունեցել։ Դա մեր բոլորի ամոթն է, որ մեծանուն հայ գործարարն ու բարերարն այսօր ճաղերի հետևում է՝ շինծու քրեական գործի շրջանակներում»,- այս մասին լրագրողների հետ զրույցում նշեց «Հայրենիք» կուսակցության նախագահ, ԱԱԾ նախկին տնօրեն Արթուր Վանեցյանը։

Ինչ վերաբերում է Սամվել Կարապետյանի քաղաքական ուժի ձևավորման մեկնարկին՝ Վանեցյանը նշեց․ «Լսել ենք հայտարարությունը, ընդունել ենք ի գիտություն, քաղաքական ուժը կձևավորվի, կտեսնենք՝ ովքեր են ներգրավված այնտեղ, մեր գնահատականները կտանք․․․ Որպես քաղաքական դերակատար, դեռևս չեմ տեսել Սամվել Կարապետյանին և չեմ կարող որևէ գնահատական տալ։ Ժամանակը ցույց կտա»։