Թայվանի զինվորականները քաղաքային մարտի վարժանքներ են սկսել՝ չինական ներխուժմանը նախապատրաստվելու համար

Թայվանի զինվորականները վարժանքներ են անցկացնում, որոնցում առաջին անգամ օգտագործվում է հասարակական տրանսպորտ՝ չինական ներխուժմանը նախապատրաստվելու համար: Միավորները «պաշտպանություն» են անցկացրել մայրաքաղաքի փողոցներում՝ հնարավոր չինական հարձակմանն ավելի լավ պատրաստվելու և նման ճգնաժամի հետևանքների մասին իրազեկվածությունը բարձրացնելու համար:

Javelin հակատանկային հրթիռներով զինված ռազմական ոստիկանության ջոկատն այսօր վաղ առավոտյան դուրս է եկել Թայբեյի մետրոյի կայարանից՝ վազելով փակ խանութների կողքով՝ մարտական ​​դիրք զբաղեցնելու համար: Քաղաքի այլ վայրերում բանակի լոգիստիկայի հրամանատարությունն օգտագործել է հասարակական տրանսպորտի համակարգը՝ արևելյան ծայրամասերից զինամթերք և սնունդ մատակարարելու համար, հաղորդում է Financial Times-ը:

Թայվանը 41 տարի է, ինչ ռազմական վարժանքներ է անցկացնում, բայց այս անգամ զինվորականները շատ ավելի հեռու են գնացել, քան սովորաբար: Զորքերը փորձարկվում էին «մարտադաշտում գոյատևման» համար՝ այն սցենարով, որի դեպքում Չինաստանը, որի ռազմածովային և օդային ուժերը գրեթե ամեն օր մանևրում են Թայվանի ջրերի մոտ, անսպասելի հրթիռային հարվածներ է հասցնում:

Զորավարժություններին մասնակցում է 22,000 պահեստազորային, ավելի շատ, քան երբևէ, և առաջին անգամ կիրառվելու է HIMARS բազմակի հրթիռային համակարգը, որը ձեռք է բերվել ԱՄՆ-ից և արդյունավետութուն է դրսևորել Ուկրաինայի մարտադաշտում։