Գազայում օգնության հերթերում սպասող 78 մարդ է զոհվել

Վերջին 24 ժամվա ընթացքում Գազայի հատվածում Իսրայելի կողմից իրականացված հարձակումների հետևանքով զոհվել է 78 մարդ, տասնյակները՝ վիրավորվել, հաղորդում է «Al Jazeera» հեռուստաալիքը։

Իսրայելական ուժերը շարունակում են հրետակոծել Գազայի հատվածը, մասնավորապես, սպանվում են մարդիկ, որոնք մարդասիրական օգնության համար եղել են հերթերի մեջ՝ տարածաշրջանում խորացող պարենային ճգնաժամի պայմաններում։

2025 թվականի մարտի 2-ից ի վեր Գազայի հատված միջազգային մարդասիրական օգնություն չի մտել, Իսրայելը որոշել է փակ պահել բոլոր անցակետերը, և սննդի բաշխումն իրականացվում է GHF (Գազայի հումանիտար հիմնադրամ) ամերիկյան կազմակերպության միջոցով։