«Թրամփը կարող է թույլ տալ Ուկրաինային հարվածել Ռուսաստանի խորքերը»․ #WP

ԱՄՆ նախագահ Դոնալդ Թրամփը կարող է Ուկրաինային թույլտվություն տալ օգտագործել իր 18 հեռահար ATACMS հրթիռները՝ Ռուսաստանի խորքերը հարվածելու համար: Այս մասին հաղորդում է The Washington Post-ը (WP):

Ըստ թերթի աղբյուրի՝ ԱՄՆ նախագահը կարող է նաև հրահանգել Կիևի կարիքների համար լրացուցիչ ATACMS-ներ մատակարարել: Հաղորդվում է, որ մարտագլխիկներն ունեն 300 կմ հեռահարություն:

Թերթի տվյալներով՝ Փենթագոնը մի քանի ամիս է՝ պնդում է Ուկրաինայի զինված ուժերին կանաչ լույս տալու անհրաժեշտության մասին, որպեսզի «ATACMS հրթիռների միջոցով Ռուսաստանի տարածքում ավելի մեծ հարվածներ հասցվեն»:

Ուկրաինայի նախագահ Վլադիմիր Զելենսկին հայտնել էր, որ կարող է նման հարված հասցնել Ռուսաստանին, եթե համապատասխան զենք ունենա։

Ավելի վաղ Թրամփը հայտարարել էր, որ Վաշինգթոնը որոշել է շարունակել Կիևին զենքի և ռազմական տեխնիկայի մատակարարումը, եթե Եվրոպան վճարի մատակարարումների համար: