«Թրամփի թատերական վերջնագիրը ՌԴ-ն չի էլ նկատել»․ Մեդվեդև

ԱՄՆ նախագահ Դոնալդ Թրամփի երեկվա հայտարարությունը Մոսկվային ուղղված թատերական վերջնագիր է, որը Ռուսաստանը նույնիսկ չի էլ նկատել, այս մասին X-ում գրել է ՌԴ Անվտանգության խորհրդի փոխնախագահ Դմիտրի Մեդվեդևը: Սա Թրամփի երեկվա հայտարարություններին Մոսկվայի առաջին պաշտոնական արձագանքն էր։

«Թրամփը Կրեմլին թատերական վերջնագիր ներկայացրեց։ Աշխարհը դողաց՝ սպասելով հետևանքներին։ Ռազմատենչ Եվրոմիությունը հիասթափված է։ Ռուսաստանը դա չի էլ նկատել»,- անգլերենով գրել է Մեդվեդևը։

Ավելի վաղ Թրամփը Ռուսաստանին սպառնացել էր 100 տոկոս մաքսատուրքերով, եթե 50 օրում համաձայնություն չլինի։