Դենիս Շմիգալը կգլխավորի Ուկրաինայի պաշտպանության նախարարությունը

Դենիս Շմիգալը, որը ներկայում զբաղեցնում է Ուկրաինայի վարչապետի պաշտոնը, կգլխավորի Ուկրաինայի պաշտպանության նախարարությունը։ Այս մասին հայտարարել է Ուկրաինայի նախագահ Վլադիմիր Զելենսկին իր Telegram ալիքում։

«Դենիս Շմիգալի հսկայական փորձն անպայման օգտակար կլինի Ուկրաինայի պաշտպանության նախարարի պաշտոնում. հենց այս ոլորտում է, որ երկիրն այժմ ունի առավելագույն ռեսուրսներ, առավելագույն խնդիրներ և մեծ պատասխանատվություն»,- գրել է Զելենսկին։ Նա կոչ է արել Գերագույն ռադայի պատգամավորներին՝ աջակցել Շմիգալի թեկնածությունը։

Ռուստեմ Ումերովն է ներկայում զբաղեցնում Պաշտպանության նախարարության ղեկավարի պաշտոնը։ Զելենսկին նախկինում առաջարկել էր Շմիգալի փոխարեն նշանակել առաջին փոխվարչապետ Յուլիա Սվիրիդենկոյին։
Շմիգալը Ուկրաինայի վարչապետի պաշտոնն զբաղեցնում է 2020 թվականի մարտից։ Ումերովը երկրի պաշտպանության նախարարությունը ղեկավարում է 2023 թվականի սեպտեմբերից։