«Ինչո՞ւ Փաշինյանն այն ժամանակ չէր խոսում այն քայլերի ու գործողությունների մասին, որոնք այժմ իրականացնում է»․ Նորիկ Նորիկյան

«Արդար Հայաստան» կուսակցության նախագահ, փաստաբան Նորիկ Նորիկյանի ֆեյսբուքյան գրառումը․ «Ինչ էլ լինի, ժողովրդի հետ, բոլոր դեպքերում, պետք է ազնիվ լինել․․․
Եթե գործող իշխանությունը 2018 և 2021թթ․ ազնվորեն հայտարարեր, որ իշխանության գալու դեպքում վարելու է հատկապես այսպիսի ներքին ու արտաքին քաղաքականություն, որն իրականացնում է ներկայումս, հետաքրքիր է՝ քանի՞ տոկոս ձայն կստանար ընտրությունների ժամանակ։
Արդյո՞ք մեր ժողովուրդն այնպիսի վստահության քվե կտար Նիկոլ Փաշինյանին, որը հնարավորություն կտար վերջինիս՝ ձևավորել ու գլխավորել ՀՀ կառավարությունը։
Եթե չեր տալու, ապա տրամաբանական հարց է առաջանում․ ինչո՞ւ պետք է մեր ժողովուրդն առաջիկա խորհրդարանական ընտրություններում իր ձայնը տա գործող իշխանությանը, եթե այժմ տեսնում է, թե ինչ ներքին ու արտաքին քաղաքականություն է վարում գործող իշխանությունը․․․
Ձեզանից ոմանք կարող են պնդել, որ ժողովուրդն անգամ այդ դեպքում իր ձայնը կտար Փաշինյանին։
Շատ լավ, այդ դեպքում ինչո՞ւ Փաշինյանն այդ ժամանակ չէր խոսում այն քայլերի ու գործողությունների մասին, որոնք այժմ իրականացնում է․․․
Ճիշտ հակառակը՝ կարծեք թե բոլորովին այլ ռազմավարությունների ու ծրագրերի մասին էր հանդես գալիս․․․
Ասածս նա է, որ ի՞նչ էլ լինի, ժողովրդի հետ, բոլոր դեպքերում, պետք է ազնիվ լինել․․․»։