«Թեհրանը պատրաստ է ԱՄՆ-ի հետ բանակցությունների, եթե նրա գործողությունները չհանգեցնեն պատերազմի». Արաղչի

Թեհրանը պատրաստ է և պատրաստ կլինի իր միջուկային ծրագրի շուրջ բանակցությունների, եթե ԱՄՆ-ի և այլ երկրների գործողությունները չհանգեցնեն պատերազմի, հայտարարել է Իրանի արտգործնախարար Աբբաս Արաղչին։

«Մենք միշտ պատրաստ ենք եղել մեր միջուկային ծրագրի շուրջ երկխոսության և պատրաստ կլինենք դրան ապագայում, բայց, բնականաբար, մենք պետք է վստահ լինենք, որ եթե բանակցությունները վերսկսվեն, ԱՄՆ-ի և այլ երկրների գործողությունները չեն հանգեցնի պատերազմի», - ասել է նախարարը՝ ԱԳՆ-ում տարբեր երկրների դիվանագիտական ներկայացուցիչների հետ հանդիպման ժամանակ։