Իրաքում սկսվել է Քրդական բանվորական կուսակցության զինյալների զինաթափումը

Թուրքիայում արգելված Քրդստանի բանվորական կուսակցության առաջին քրդերը ժամանել են Հյուսիսային Իրաքի Սուլեյմանիե նահանգ՝ զենքերը հանձնելու համար, հաղորդում է NTV-ն: Հեռուստաալիքի տվյալներով՝ առաջին խումբը բաղկացած է կուսակցության 20-30 անդամներից, որոնց գլխավորում է կուսակցության բարձրաստիճան պաշտոնյան:

CNN Turk-ը հավելում է, որ քրդերն իրենց զենքերը նետում են ուղիղ կրակի մեջ՝ թուրքական և իրաքյան հետախուզական ծառայությունների ներկայացուցիչների ներկայությամբ:

Իրաքից բացի, զենքը կարելի է հանձնել նաև Թուրքիայում և Սիրիայում: Ակնկալվում է, որ մոտ 2000 մարդ ստիպված կլինի դա անել 3-5 ամսվա ընթացքում: CNN Turk-ի տվյալներով՝ մոտ 200 հոգուց բաղկացած խումբը ցանկություն է հայտնել զինաթափվել Թուրքիայում: Նրանց ունեցած ամենածանր զենքերն ականանետներն ու արկերն են: Քրդական կազմավորումները դրանք ստացել են Միացյալ Նահանգներից։ Նրանք չունեն տանկեր, հրթիռներ կամ ՀՕՊ զինատեսակներ, գրել է Reuters-ը։