Մեծ Բրիտանիան ավելի քան 5000 ՀՕՊ հրթիռ կմատակարարի Ուկրաինային

Մեծ Բրիտանիան Ուկրաինային կմատակարարի Բելֆաստում տեղակայված Thales ընկերության կողմից արտադրված ավելի քան 5000 հակաօդային պաշտպանության հրթիռներ, ասվում է բրիտանական կառավարության կայքում տեղադրված հայտարարության մեջ։

Մատակարարումները կիրականացվեն Լոնդոնի և Կիևի միջև պաշտպանական համաձայնագրի շրջանակներում, որը կստորագրվի Հռոմում՝ Ուկրաինայի վերակառուցման վերաբերյալ համաժողովում։

«Սա Thales-ին հնարավորություն կտա մատակարարել ավելի քան 5000 հակաօդային պաշտպանության հրթիռներ, ինչը ոչ միայն զգալիորեն կամրապնդի Մեծ Բրիտանիայի պաշտպանական կարողությունները, այլև թույլ կտա Ուկրաինային շարունակել պայքարը», - ասվում է փաստաթղթում։

Thales 70 մմ հրթիռներն օգտագործվում են հարձակողական ԱԹՍ-ներ դեմ։

Հաղորդվում է նաև, որ Մեծ Բրիտանիան մինչև 2026 թվականն Ուկրաինային կտրամադրի մինչև 283 միլիոն ֆունտ ստեռլինգ երկկողմանի օգնություն։