«Իսրայելի կողմից հարևան երկրների տարածքն օգտագործելու լուրերը չեն հաստատվել»․ Փեզեշքիան

Իրանի նախագահ Մասուդ Փեզեշքիանը մեկնաբանել է մամուլում շրջանառվող լուրերը, որ Իսրայելն Ադրբեջանի օդային տարածքն օգտագործել է Իրանի դեմ ռազմական նպատակներով։ Այս մասին հայտնել են իրանական լրատվամիջոցները։

Փեզեշքիանն ընդգծել է, որ այդ պնդումները չեն հաստատվել պաշտոնական կառույցների կողմից.

«Հակառակ լուրերի՝ երկրի անվտանգության մարմինները հարևանների և սիոնիստական ​​ռեժիմի միջև ռազմական համագործակցության որևէ ապացույց չեն արձանագրել»։

Նա նաև հավելել է, որ, ընդհակառակը, որոշ երկրներ պատրաստակամություն են հայտնել օգնել Իրանին։

Հիշեցնենք, որ ավելի վաղ իրանական լրատվամիջոցներն ու փորձագետները պնդում էին, որ Իսրայելը հարվածում է Իրանին՝ օգտագործելով տարածաշրջանային երկրների, այդ թվում՝ Ադրբեջանի օդային տարածքը։