Հութիները Կարմիր ծովում խորտակել են հունական բեռնատար նավ

Հութիները Կարմիր ծովում խորտակել են բեռնատար նավ, հայտնում է Reuters-ը:

Սկզբում նավի վրա կրակ են բացել հրազենով և նռնականետերով, ապա հարձակվել են չորս անօդաչու թռչող սարքերով։

Զինված պահակախումբը փորձել է պաշտպանվել, սակայն բեռնատար նավը հրդեհվել է և խորտակվել։
Ծովային անվտանգության աղբյուրները հավելել են, որ նավը նույնականացվել է՝ որպես Լիբերիայի դրոշի ներքո նավարկող, հունական սեփականության ներքո գտնվող «Magic Seas» բեռնատար նավ։
Դեկտեմբերից ի վեր սա առաջին դեպքն է, երբ հութիները հարձակվում են առևտրային նավի վրա: