«Մոսադ»-ի լրտես է ձերբակալվել Իրանում

Իսլամական հեղափոխության պահապանների կորպուսը (ԻՀՊԿ, Իրանի զինված ուժերի էլիտար ստորաբաժանում) Իրանի արևմտյան Համադան նահանգում ձերբակալել է Իսրայելի արտաքին հետախուզական ծառայության («Մոսադ») հետ կապված մի տղամարդու: Այս մասին հաղորդում է FARS-ը՝ հղում անելով ԻՀՊԿ-ի մամուլի ծառայությանը:

Հրապարակումը նշում է, որ ձերբակալվածը տեղեկություններ էր հավաքում Իրանի ռազմական և անվտանգության կենտրոնների աշխատակիցների մասին: Գործակալությունը շեշտում է, որ տվյալները նախատեսվում էր փոխանցել օտարերկրյա հետախուզական ծառայություններին:

Հունիսի 24-ին հաղորդվել է, որ ԻՀՊԿ-ն ձերբակալել է եվրոպական երկրի քաղաքացու՝ Իսրայելի համար աշխատելու կասկածանքով: Թե որ երկրի քաղաքացի է ձերբակալվածը, չի նշվում:
Ավելի վաղ հայտնել էինք, որ ըստ The Times-ի, Իսրայելը գործակալներ ուներ Իրանում 2010 թվականից: