«Քաղաքական օրակարգի որևէ կետում այլևս Ռոբերտ Քոչարյանը չկա»․ Նարեկ Մալյան

Հասարակական գործիչ Նարեկ Մալյանի ֆեյսբուքյան գրառումը․ «Դուք երևի նկատել եք, որ երկրորդ նախագահ Ռոբերտ Քոչարյանի աջակիցները հրապարակային դաշտում դարձել են դյուրագրգիռ ու ագրեսիվ: Դա միանգամայն օրինաչափ երևույթ է:
Լավ չեն Ռոբերտ Սեդրակիչի գործերը։ 2026 թվականին սպասելու նրա հանճարեղ ծրագիրը տապալվել է: Իրադարձությունների զարգացումները նրան քաղաքական լուսանցք են մղել: Օրակարգում կան հետևյալ անհապաղ լուծման ենթակա խնդիրները՝
1. Եկեղեցու դեմ հարձակումները:
2. Ազգային բարերար Սամվել Կարապետյանի ձերբակալություն:
3. Հոգևորականների կալանքներ
4. Իմպիչմենտ
Քաղաքական օրակարգի որևէ կետում այլևս Ռոբերտ Քոչարյանը չկա: Ինքն իրեն Պուտինի ընկեր և ընդդիմության առաջնորդ հռչակած մարդու համար սա ֆիասկո է: Հանրությունը սկսել է հասկանալ, որ 5 տարվա ընթացքում 2 ասուլիս տալով առաջնորդ չեն դառնում:
Քոչարյանի առանց այն էլ թույլ դիրքերը խարխլում են նաև նոր քաղաքական ուժերի ակտիվացումը:
Եթե առաջ Քոչարյանին հաջողվում էր 18 ակտիվ հայհոյախոսների միջոցով ազդել քաղաքական որոշումների վրա, ապա հիմա «քոչարյանի աջակից» բառակապակցությունը ծիծաղ է առաջացնում դառնալով անելանելիության խորհրդանիշ:
Ինչևէ, արդեն կարող ենք հանգիստ խղճով հրաժեշտ տալ Ռոբերտ Քոչարյանին, մաղթելով նրան բարի հանգիստ Էգեյան ծովի ափին, երազանքների իրականացում 2026 թվականին սպասելիս»: