«Սամվել Կարապետյանը պետք է կրկնի այն, ինչ արեց Բիձինա Իվանիշվլին»․ Արգիշտի Կիվիրյան

«Կարապետյանները պետք է հստակ գործողություններով զբաղվեն, այլ պարագայում Սամվել Կարապետյանը կնստի և ամեն ինչ կավարտվի։ Նիկոլ Փաշինյանն էլ կհասնի իր նպատակին՝ խլել այս մարդկանց Հայաստանի ունեցվածքը, թույլ չտալ, որ Սամվել Կարապետյանը մտնի քաղաքական դաշտ»,- «Պոլիտիկ»-ի եթերում ասաց վերլուծաբան Արգիշտի Կիվիրյանը։ Նրա խոսքով Կարապետյանի «դուրս գալու» տարբերակներից մեկը Փաշինյանի հետ պայմանավորվելն է, որի արդյունքում, սակայն, նա կվերածվի «դասական չուշկայի»․ «Եթե Կարապետյաններն ուզում են արժանապատիվ ապրել, պետք է այդ քայլին չգնան»,- ասաց Կիվիրյանը։ Նրա խոսքով լավագույն տարբերակն այն է, որ Սամվել Կարապետյանը կրկնի այն, ինչ արեց Բիձինա Իվանիշվլին՝ Վրաստանում իշխանություն վերցնելու համար, հատկապես՝ ոչ հրապարակային քայլերը։