«88-ի հուլիսի 6-ին տեղի ունեցավ ազգային շարժման շրջադարձային դրվագներից մեկը»․ Արման Բաբաջանյան

ԱԺ նախկինպատգամավոր Արման Բաբաջանյանի ֆեյսբուքյան գրառումը. «1988 թվականի հուլիսի 5-ին լույս 6-ին Զվարթնոց օդանավակայանում տեղի ունեցավ ազգային շարժման պատմության ամենադժվար ու շրջադարձային դրվագներից մեկը։ Հազարավոր խաղաղ ցուցարարներ հավաքվել էին՝ պահանջելով Լեռնային Ղարաբաղի ինքնորոշում, խորհրդային զորքերի դուրսբերում Երևանից և պատասխանատվություն՝ ապրիլ-մայիսյան բռնությունների համար։
Իշխանությունների արձագանքը՝ ճնշում ու բռնություն։ Երեկոյան ժամը 18:15-ին Զվարթնոց բերվեցին խորհրդային զորքեր։ Հետագա ժամերին՝ մինչև հուլիսի 6-ի լուսաբաց, օդանավակայանի տարածքը վերածվեց բռնության և բախումների դաշտի։ Վիրավորվեցին տասնյակ մարդիկ՝ այդ թվում կանայք ու անչափահասներ։ 22-ամյա լուսանկարիչ Խաչիկ Զաքարյանը սպանվեց։
Զվարթնոցի դեպքերը կոտրեցին ժողովրդի վերջին վստահությունը ԽՍՀՄ-ի նկատմամբ և փոխեցին շարժման տրամաբանությունը»։