«Աստված ինչ-որ ձևով նշան կտա, կասի՝ ամոթ է, մի՛ արա»․ Ալեն Սիմոնյան

«Մենք համոզված ենք, որ Կտրիճ Ներսիսյանը գնալու է»,- ճեպազրույցի ժամանակ ասաց ԱԺ նախագահ Ալեն Սիմոնյանը և, պատասխանելով հարցին՝ «ինքնակա՞մ է գնալու», նշեց․ «Ես չեմ կարող ասել ինքը ինքնակամ է գնալու, թե, ենթադրենք, կողքի եպիսկոպոսները, խիղճը, կամ Աստված իրեն ինչ-որ ձևով նշան կտա, կասի՝ եղբայր, ամոթ է, մի՛ արա այդ բանը, դու դարձել ես Լյուդովիկոս 14-ը՞, որ ասում ես՝ «եկեղեցին դա ես եմ»»։

ԱԺ նախագահը ընդգծեց նաև, որ որպես Կաթողիկոսի թեկնածու որևէ մեկի անուն «Քաղաքացիական պայմանագրում», իրենց անձնական զրույցների մեջ երբևիցե չի քննարկվել։