«Թող մտածեն, թե խաչհամբույրի ժամանակ ոնց կամաց ասեն՝ քավոր ջան, մի քիչ շատ փող դիր»․ Ալեն Սիմոնյան

«Ասողիկ Աբեղան զգուշացրել է, որ եթե իշխանությունը չդադարեցնի իր գործողությունները հոգևորականների, եկեղեցու դեմ, ապա բանադրանք՝ նզովք կկիրառեն․ արդյոք այդ հեռանկարը կմղի ձեզ՝ դադարեցնել պրոցեսը»,- ճեպազրույցի ժամանակ հարց ուղղվեց ԱԺ նախագահ Ալեն Սիմոնյանին։

Սիմոնյանը պատասխանեց․ «Ո՞վ պետք է դա գործադրի, Կտրիճ Ներսիսյա՞նը։ Նա լեգիտիմ չէ և ոչ մի բան չի կարող անել։ Իրենց թվում է, թե իրենք Աստված են, իրենց թվում է, թե եկեղեցին իրենց հոր տունն է։ Իրենք չարաչար սխալվում են։ Թող իրենք մտածեն, թե մոմը ինչ գնով են ծախում, երգչախմբին ինչքան փող պետք է տան, խաչհամբույրի ժամանակ ոնց կամաց ասեն՝ քիչ ես դնում, քավոր ջան, մի քիչ շատ փող դիր։ Թող մտածեն՝ իրենց շուրջը ինչ է կատարվում»։