«Պետք չէ անճարի նման ձեռքերը այս կամ այն կողմ պարզել և SOS գոչել»․ Մարգարիտ Եսայան

ՀՀԿ ԳՄ անդամ Մարգարիտ Եսայանի ֆեյսբուքյան գրառումը․ «Երբ երկրում իրական հանցագործը դառնում է «դատավոր», նշանակում է այդ երկրից իսպառ հեռացել է արդարադատությունը, նշանակում է այդ երկրում չկա դատական համակարգի անկախություն, չկա իրավունքների և լիազորությունների տարանջատում։ Տեսեք, թե ոնց է մեծանում քաղբանտարկյալների թիվը, ոնց են աջուձախ բռնում, դատում, փակում։ Նշանակում է այդ երկիրը գլորվում է ճահիճը։ Իրական ընդդիմությունը, իրենց ընդդիմություն հռչակածները, հանուն երկրի, պետականության և ազգային արժանապատվության կռվի պատրաստ մարդիկ, որքան արագ սա ընկալեն, վերջապես ընկալեն, և գործուն քայլերի գնան, այնքան հնարավոր կլինի դուրս գալ այս ճահճից։ Եվ պետք չէ անճարի պես ձեռքերը այս կամ այն կողմ պարզել և SOS գոչել։ Ուրիշներից չի լինելու ոչ մի փրկություն, քո սեփական երկիրը փրկելու համար քեզ ոչ մեկը չի տալու այդքան ձեր սպասած «դաբրոն»։
Փրկվողն էլ ենք մենք լինելու, կռվողը և հաղթողն էլ։
Թողեք լիրիկան։ Մարդ եղեք, դուք հո գորտ չեք, որ էս ճահճից չեք ուզում դուրս գալ»։