X-ի խափանումներ են գրանցվել ամբողջ աշխարհում

Downdetector ծառայության հաղորդագրության համաձայն՝ մի շարք երկրների օգտատերեր բողոքում են X սոցիալական ցանցի հետ կապված խնդիրներից։

Նրա տվյալների համաձայն՝ խնդիրներ հաղորդած օգտատերերի 52%-ը արձանագրում է հավելվածի հետ կապված խնդիրներ, 42%-ը՝ կայքի, 6%-ը՝ սերվերներին միանալու դժվարություններ։

Downdetector-ի տվյալներով՝ մոտ 16 հազար օգտատեր խնդիրներ է հայտնել ԱՄՆ-ում։ Խոշոր խափանումներ են գրանցվել նաև Բրազիլիայում, Մեծ Բրիտանիայում, Գերմանիայում, Իսպանիայում, Կանադայում, Լեհաստանում, Ֆրանսիայում և Ճապոնիայում։

Մեծ Բրիտանիայում բողոքների թիվը գերազանցել է 5 հազարը, Ճապոնիայում՝ 4.2 հազարը։