Իրանը բացել է երկրի ևս երկու հատվածի օդային տարածքը

Իրանը բացել է երկրի կենտրոնական շրջանի և մասամբ արևմտյան շրջանի օդային տարածքը միջազգային թռիչքների համար, հայտարարել է Իսլամական Հանրապետության ճանապարհների և քաղաքաշինության նախարարության մամուլի խոսնակ Մաջիդ Ախվանը։ Նրա խոսքով՝ Քաղաքացիական ավիացիայի կազմակերպության համակարգող կոմիտեի որոշման համաձայն և ներկայիս պայմաններում անվտանգության նկատառումներից ելնելով, երկրի արևելյան մասի օդային տարածքից բացի, որն օգտագործվում է ներքին, միջազգային և տարանցիկ թռիչքների համար, երկրի կենտրոնական և արևմտյան տարածքների մի մասի օդային տարածքը բացվել է միայն միջազգային և տարանցիկ թռիչքների համար։