«Պատրաստ ենք Ստամբուլում հյուրընկալել ՌԴ-ի և Ուկրաինայի պատվիրակություններին». Ֆիդան

Թուրքիայի արտաքին գործերի նախարար Հաքան Ֆիդանը հայտարարել է, որ իր երկիրը պատրաստ է Ստամբուլում հյուրընկալել Ուկրաինայի հարցով բանակցությունների երրորդ փուլը։

«Երեկ մենք կողմերի հետ խոսել ենք երկրորդ փուլում կայացված որոշումների մասին։ Մենք տեսնում ենք, որ կա ցանկություն անցնել երրորդ փուլին։ Ռուսները նախնական հայտարարություն արեցին այս հարցի վերաբերյալ։ Մենք պատրաստ ենք հյուրընկալել, պատրաստ ենք միջնորդի դեր ստանձնել», - ասել է Ֆիդանը՝ «Ա-հաբեր» հեռուստաալիքի եթերում։