«Սոբհանին պարբերաբար հայամետ դիրքորոշում է ցուցաբերում»․ Ադրբեջանի ԱԳՆ-ն բողոքել է

Ադրբեջանի ԱԳՆ-ն անդրադարձել է Ադրբեջանի տարածքից Իրանի վրա իսրայելական ԱԹՍ-ների հարձակումների մասին ՀՀ-ում Իրանի դեսպան Մեհդի Սոբհանիի հայտարարություններին։

«Մենք կտրականապես հերքում ենք ՀՀ-ում Իրանի Իսլամական Հանրապետության դեսպան Մեհդի Սոբհանիի անհիմն և սադրիչ հայտարարությունները՝ կապված ադրբեջանական տարածքի՝ Իրանի դեմ ենթադրյալ օգտագործման հետ։ Իրանի դեսպանի հայտարարությունները համարում ենք ակնհայտ սադրանք։

Ադրբեջանը կտրականապես հերքում է այն մեղադրանքները, որ իր օդային տարածքը կամ տարածքը որևէ պետության կողմից օգտագործվում է հարևան Իրանի Իսլամական Հանրապետության կամ որևէ այլ երկրի դեմ ռազմական գործողություններ իրականացնելու համար։

Ակնկալում ենք, որ Իրանը կկանխի նման քայլերը, որոնք չեն համապատասխանում մեր հարաբերությունների ոգուն, և կձեռնարկի անհրաժեշտ միջոցներ դեսպանի կողմից արտահայտված կարծիքների վերաբերյալ, որը պարբերաբար ցուցաբերում է հայամետ դիրքորոշում և չի ներկայացնում իր երկիրը»,- ասված է Ադրբեջանի ԱԳՆ հայտարարության մեջ։

Սոբհանին, մասնավորապես, ասել էր. «Մենք տեղեկություններ ենք ստացել, որ հարևան երկրներից Իրանի տարածք են մտել քիչ քանակությամբ ԱԹՍ-ներ, ուստի Թեհրանը խնդրում է ադրբեջանական կողմին լուրջ հետաքննություն անցկացնել։ Ադրբեջանը մեզ վստահեցրել է, որ թույլ չի տա, որ իր տարածքն օգտագործվի Իրանի դեմ։ Բայց մենք բոլորս լավ գիտենք սիոնիստական ​​ռեժիմը. նրանք չեն հետևում որևէ կանոնի, օրենքի: Հետևաբար, նրանք կարող են օգտվել իրավիճակից»: