«Նիկոլ Փաշինյանի անվան տակ սարքած ձայնից տպավորություն է, թե կարդում է Ռոբերտ Քոչարյանը»․ Վահագն Ալեքսանյան

ԱԺ «Քաղաքացիական պայմանագիր» խմբակցության պատգամավոր Վահագն Ալեքսանյանի ֆեյսբուքյան գրառումը․ «Սերժ-Քոչարյան սիամականների խորթ եղբայր Տեր-Պետրոսյանի 4rd.am-ը որոշել է ապացուցել բոլոր բանական մարդկանց էն թեզը, որ արհեստական բանականությունը թեև կարողանում է հայերեն տեքստ կարդալ, ձայնը նմանեցնել, բայց ինտոնացիոն, շեշտադրումների, խոսքի սահունության տեսանկյունից էնքան վատ է աշխատում, որ Նիկոլ Փաշինյանի անվան տակ սարքած ձայնը տպավորություն է, թե տակից կարդում է Ռոբերտ Քոչարյանը։
Ու սա, ի դեպ, սարքվել է միլիարդատերերի կոնգլոմերատի կողմից, որոնք ֆինանսական ՈՉ ՄԻ սահմանափակում չունեն։
Այսպիսով՝ #իձիոտներիՑասումը շարժումը իր ձեռքով ապացուցում է, որ չկա աշխարհում արհեստական բանականություն, որը կարող է այդ աստիճան արհեստավարժ գեներացնել երեկվա ձայնագրությունները։
Մի խայտառակվի, էլի, Լևոն»։
Նշենք, որ 4rd.am կայքը տարածել է մի ձայնագրություն՝ գրելով․ «Համացանցում շրջանառվում է մի գաղտնալսում, որից պարզվում է, որ «հիբրիդային պատերազմի» մասին գործը ամբողջությամբ թխված է իրավապահների կողմից վարչապետ Նիկոլ Փաշինյանի ապօրինի հրամաններով: Հրապարակելով այդ ձայնագրությունը, դիմում ենք ՀՀ գլխավոր դատախազին ձայնագրության իսկությունը անհապաղ քննելու և այն հաստատելու դեպքում Փաշինյանի նկատմամբ անհապաղ քրեական հետապնդում սկսելու պահանջով»: