«Արաղչիի հայտարարությունները՝ Պուտինի հետ հանդիպումից հետո»․ Արա Պողոսյան

Քաղաքագետ Արա Պողոսյանի ֆեյսբուքյան գրառումը՝ կից տեսանյութով. «Իրանի ԱԳ նախարար Աբբաս Արաղչին ՌԴ նախագահ Վ. Պուտինի հետ հանդիպումից հետո լրագրողների հետ զրույցում հայտարարել է. «Ռուսաստանն առայժմ ունեցել է շատ լավ և կոշտ դիրքորոշում։
Ես շատ լավ հանդիպում ունեցա Ռուսաստանի նախագահ Պուտինի հետ, և այդ հանդիպման ընթացքում մենք մանրամասն քննարկեցինք տեղի ունեցող իրադարձությունները։
ՀԳԾԾ-ի (Միջուկային գործարքի) և «հնգյակ պլյուս մեկի» հետ բանակցությունների հարցում Ռուսաստանը միշտ եղել է ակտիվ մասնակիցներից մեկը․ այդ երկիրը մշտապես մեր կողքին է եղել, և մենք միշտ համագործակցել և խորհրդակցել ենք նրա հետ։ Ներկա պայմաններում անհրաժեշտ էր ավելի սերտ խորհրդակցություն մեր ռուս բարեկամների հետ։
Պուտինի հետ հանդիպման ժամանակ մենք մանրամասն քննարկեցինք այն, ինչ այժմ տեղի է ունենում։
Այս (ագրեսիվ գործողությունների) հետևանքները տարածաշրջանի, միջազգային հանրության և միջուկային զենքի չտարածման ռեժիմի համար ընդհանուր մտահոգություն են առաջացնում, և Ռուսաստանն էլ է մտահոգված այս բոլոր հարցերով։
Ռուսաստանի դիրքորոշումը մինչ այժմ եղել է շատ լավ ու կոշտ, նրանք ակտիվ աշխատում են ԱՆԽ-ում, որպեսզի այդ մարմինը ակտիվություն ցուցաբերի, թեև դա, ամենայն հավանականությամբ, բախվելու է ԱՄՆ-ի վետոյի հետ։ Այնուամենայնիվ, անհրաժեշտ է, որ Մշտական Խորհրդի մյուս անդամները ցույց տան աշխարհին իրենց դիրքորոշումը՝ ագրեսիայի դեմ»: