«Մեծ ու փոքր պետություններն այսօր ղեկավարում են ցածր մտավոր կարողություններով գործիչները»․ Նարինե Մկրտչյան

Մամուլի ազգային ակումբի նախագահ Նարինե Մկրտչյանի ֆեյսբուքյան գրառումը. «Ժամանակները փոխվել են․ այժմ պետությունները միմյանց պատերազմ չեն հայտարարում, այլ սոցցանցերում են գրում այդ մասին։
Ժամանակները փոխվել են․ «խաղաղություն» բառը երբեք այնքան պատերազմի սպառնալիք չի պարունակել, որքան հիմա․ այդպես է թե՛ մեծ, թե՛ փոքր պետություններում։
Ժամանակները փոխվել են․ մեծ ու փոքր պետություններն այսօր ղեկավարում են նեղ աշխարհայացքով, ցածր մտավոր կարողություններով և մեծ ու անհաղթահարելի փառատենչությամբ գործիչները։
Ժամանակները խիստ վտանգավոր են դարձել․ աշխարհը և աշխարհի ժողովուրդները հայտնվել են խելագարության և մոլագարության պտտահողմի մեջ»։