«Ժողովրդի մի հատվածը՝ «ռուսն ու թուրքը նույնն են» քարոզչական թեզի զոհն է դարձել»․ Մհեր Հակոբյան

Ռազմական հարցերով վերլուծաբան Մհեր Հակոբյանի ֆեյսբուքյան գրառումը. «Մեր ժողովրդի լայն մի հատված քարոզչական մի թեզի զոհն է դարձել, թե. «ռուսն ու թուրքը ՆՈՒՅՆՆ ԵՆ», իսկ ոմանք էլ իրենց հերթին, զոհ գնալով տեխնիկական առումով հաջող համեմատությանը, ռուսներին կոչում են «սպիտակ թուրք»: Այս երևույթը հատկապես շատ է հանդիպում Ֆեյսբուքում:
Եվ հիմա ինձ հետաքրքիր է՝
Ցեղասպանություն ԱՐԱԾ,
-Ցեղասպանությունը ՇԱՐՈՒՆԱԿՈՂ, քանզի առկա է Ցեղասպանության ժխտում,
-Ցեղասպանություն ԱՆԵԼ պատրաստվող,
1.000 տարի մեզ սպանած,
Մեր պատմական Հայրենիքի հիմնական մասը մեզնից ԽԼԱԾ,
ԱՐՑԱԽԸ հենց վերջերս մեզնից խլած,
Արցախը մեզնից խլելու ընթացքում մեզ սպանած,
ԾԱՅՐԱՀԵՂ ՀԱԿԱՀԱՅ քաղաքականություն վարող,
Հայաստանի նկատմամբ ՇՐՋԱՓԱԿՈՒՄ իրականացնող և այլն․․․ թուրքը փաստորեն, ըստ այս տեսակետի կողմնակիցների, նույնն է կամ նույնիսկ ավելի լավն է, քան, իր բոլոր թերություններով հանդերձ, Ռուսաստանը, որը.
Այո, իր շահերի համատեքստում, բայց գրավեց Հայաստանի արևելյան մասը, ինչի արդյունքում հայ ժողովրդի այդ մասը ԱԶԱՏՎԵՑ ՀԵՏԱՄՆԱՑ ԱՍԻԱԿԱՆ ՊԱՐՍԿԱԿԱՆ ԼԾԻՑ և ժամանակակից եվրոպական ուղու վրա կանգնեց,
Ապահովեց հայ ժողովրդի ՔԱՆԱԿԱԿԱՆ ԱՃ Հայաստանի արևելյան մասում,
Ապահովեց հայ ժողովրդի ՏՆՏԵՍԱԿԱՆ ԱՃ Հայաստանի արևելյան մասում,
Դրեց ՀԻՄՔԵՐ, որոնց վրա հենվելով Հայաստանի արևելյան մասում վերակերտվեց մեր պետականությունը,
Զենքով, դիվանագիտությամբ և ամենատարբեր միջոցներով օգնեց մեզ առնվազն մինչև 2020 թ-ի նոյեմբերի կես,
ՏՆՏԵՍԱՊԵՍ ՕԳՆՈՒՄ Է Հայաստանին և, մասնավորապես, տալիս է գազ իր ներքին գներով,
Այո, իր շահերի համատեքստում, բայց պատրաստ է հիմա ևս օգնել մեզ, և այլն:
Հիմա ինձ ԿԲԱՑԱՏՐԵ՞Ք այս մարդկանց տրամաբանությունը»։