«Ալիևին դիմավորում է անձամբ Էրդողանը, Փաշինյանին՝ ԱԳ փոխնախարարը»․ Սամվել Հակոբյան

Երևանի ավագանու «Մայր Հայաստան» խմբակցության անդամ Սամվել Հակոբյանի ֆեյսբուքյան գրառումը․ «Թուրքական առաջին ապտակը արդեն տրված է՝ Ալիևին դիմավորում է անձամբ Էրդողանը, Փաշինյանին՝ ընդամենը ԱԳ փոխնախարարը։ Այդպես է վերաբերվում այսպես կոչված «միջնորդ երկիրը»՝ անգամ չի փորձում թաքցնել իր կողմնապահությունը։
Սա է լինում, երբ լքում ես քո իրական դաշնակիցներին ու փորձում լավ հարաբերություններ կառուցել այն երկրի հետ, որը դարեր շարունակ քեզ ոչնչացրել է, մերժում է Հայոց ցեղասպանությունը, բայց Խոջալուն հայտարարում է ցեղասպանություն, Նիկոլի այցից մեկ իր առաջ։
Թուրքիան բաց ասում է՝ Ադրբեջանի հաղթանակը նաև իր հաղթանակն է, իրենց «համատեղ հաջողությունն» է։ Բայց Նիկոլը շարունակում է համոզել մեզ, թե այս երկիրը կարող է լինել խաղաղության երաշխավոր։
Սա դիվանագիտություն չէ։ Սա պետական նվաստացում է»։