«Ռուսական բիզնեսը հասկանում է, որ Հայաստանում հեռանկար չունի»․ Օվերչուկ

«Նախորդ տարում ՀՀ-ի հետ ապրանքաշրջանառության մեջ ունեցել ենք շուրջ 2 մլրդ դոլարի կորուստ, այս տարի միտումը շարունակվում է և խոսքը 3 մլրդ դոլարի մասին է, ակնհայտ է, որ տարեվերջի դրությամբ շուրջ 6 մլրդ դոլար կկորցնենք»,- Սանկտ Պետերբուրգի տնտեսական համաժողովում հայտարարեց ՌԴ փոխվարչապետ Օվերչուկը։
Հիմնական պատճառների թվում նա նշել է արգելքները, խոչընդոտները, կարգավորող մարմինների աշխատանքը։ Կան նաև փոխադարձության խնդիրներ։ Անհրաժեշտ է ընդլայնել Վերին Լարսի անցակետերի թողունակությունը, որտեղ այս օրերին կրկին գրանցվում են մեծ խցանումներ։

Նա նաև կարծիք է հայտնել, որ ԵՄ-ի հետ Հայաստանի մերձեցման պատճառով ռուսական բիզնեսը հասկանում է՝ «Հայաստանում հեռանկար չունի»։
«Վաղը Բրյուսելում ձեզ (Հայաստանին – խմբ.) ասելու են՝ փակեք երկինքը ռուսական ինքնաթիռների համար, դուք ի՞նչ եք անելու։ Փակելու եք, որովհետև այլ տարբերակ չեք ունենալու։ Վաղը ձեր վարորդները գալու են և հասնեն Վերին Լարս, որից հետո բեռները կցվելու են ռուսական կամ բելառուսական բեռնատարներին, հայ վարորդը հետ է վերադառնալու։ Մենք հարգանքով ենք վերաբերվում հայկական կողմի դիրքորոշմանը, բայց մեր շուկան մենք պաշտպանելու ենք։ Դրա համար էլ այսօր Հայաստանի հետ առևտրաշրջանառությունն ընկնում է», – նշել է նա։
Մանրամասները՝ տեսանյութում։