«Հակամարտության պատճառով մեր տնտեսվարողներն արդեն խնդիրներ ունեն»․ Գևորգ Պապոյան

ԱԺ տնտեսական հարցերի մշտական հանձնաժողովի նիստում ՀՀ Էկոնոմիկայի նախարար Գևորգ Պապոյանը հայտնեց, որ Իսրայել-Իրան հակամարտության պատճառով տնտեսական խնդիրներ են ծագել․ «Ցավոք, հակամարտության այս մի քանի օրերին մեր տնտեսվարողներն արդեն խնդիրներ ունեն։ Մի շարք բեռներ Բանդար Աբբաս նավահանգստում կանգնած են, որոշ բեռներ՝ ճանապարհներին։ Բազմաթիվ խնդիրներ ունենք արտահանման և Իրանից կամ Իրանի տարածքով այլ երկներից ներմուծման հետ կապված»,- ասաց Պապոյանը։
ՔՊ-ական պատգամավոր Սերգեյ Բագրատյանն առաջարկեց տնտեսվարողների խնդիրների հետ կապված օպերատիվ շտաբ ձևավորել։