Էրդողանն Իրաքի նախագահին հորդորել է հեռու մնալ Իսրայել-Իրան հակամարտությունից

Թուրքիայի նախագահ Ռեջեփ Թայիփ Էրդողանը հեռախոսազրույց է ունեցել Իրաքի վարչապետ Մոհամմեդ Շիա ալ-Սուդանիի հետ։

Ըստ Թուրքիայի նախագահի հաղորդակցության գրասենյակի տարածած հայտարարության՝ զրույցի ընթացքում քննարկվել են Իսրայելի և Իրանի միջև հակամարտությունը, տարածաշրջանային և համաշխարհային հարցեր։

Նախագահ Էրդողանը նշել է, որ «Իսրայելի կողմից առաջացած բռնության շղթան սպառնում է տարածաշրջանին» և որ Իրաքի համար կարևոր է ներկա պայմաններում «հեռու մնալ այս հակամարտությունից և ավելի զգույշ լինել ահաբեկչական կազմակերպությունների և արմատական ​​տարրերի դեմ պայքարում»։

Էրդողանը շեշտել է, որ «Իրանի և ԱՄՆ-ի միջև միջուկային վեճը լուծելու միակ ճանապարհը բանակցություններն են»։ «Դժվարին պայմաններում անհրաժեշտ է զսպվածություն ցուցաբերել և կանխել բռնության պարույրի սրացումը»,- ասել է նա։

Թուրքիան հայտարարել է, որ «չի կարելի թույլ տալ, որ Իսրայելի հարձակումներն Իրանի վրա ստվեր գցեն Գազայի ցեղասպանությունը»։