Պայթյուն է տեղի ունեցել Իրանի Համադան նահանգի ավիաբազայի մոտ

Իրանի արևմտյան Համադան նահանգում գտնվող իրանական ավիաբազայի մոտ պայթյուն է տեղի ունեցել։ Այս մասին հաղորդում է ILNA գործակալությունը։
«Հարձակման է ենթարկվել Ասադաբադի, Համադանի մոտակայքում գտնվող տարածքը», - ասվում է գրառման մեջ։
Հիշեցնենք, որ ուրբաթ՝ հունիսի 13-ի գիշերը, Իսրայելը հարձակվել է Իրանի ռազմական և միջուկային օբյեկտների վրա։ Զոհվել են բարձրաստիճան զինվորականներ գիտնականներ։
Իրանի պատասխան հրետակոծությունների հետևանքով իսրայելական կողմից երկու մարդ է զոհվել, հաղորդում է Ynet պորտալը։

ՄԱԿ-ում Իրանի դեսպան Ամիր Սաիդ Իրավանին ՄԱԿ-ի Անվտանգության խորհրդի արտակարգ նիստում հայտարարել է, որ Իսրայելի հարձակումները «պետական ​​ահաբեկչության ակտ են և միջազգային իրավունքի կոպիտ խախտում»։ Ռուսաստանը խստորեն դատապարտել է Իսրայելի հարձակումները։

Ամերիկացի լրագրող Թաքեր Կարլսոնը, ով նախագահ Դոնալդ Թրամփի ամենաազդեցիկ կողմնակիցներից մեկն է, իր տեղեկագրում գրել է, որ Միացյալ Նահանգները պետք է «լքեն Իսրայելը» և թույլ տան, որ այն վարի իր սեփական պատերազմները։