Հնդկաստանում բացվել է աշխարհի ամենաբարձր երկաթուղային կամուրջը

Հնդկաստանի վարչապետ Նարենդրա Մոդին մասնակցել է Չենաբ երկաթուղային կամրջի բացմանը, որը կապում է Քաշմիրի հովիտը երկրի մյուս հատվածի հետ և ամենաբարձրն է աշխարհում: Պետության ղեկավարն այս մասին հայտարարել է X սոցիալական ցանցում։

«Մենք չափազանց հպարտ ենք, որ այս կամուրջը ներդաշնակորեն համատեղում է հավակնություններն ու դրանց իրագործումը՝ արտացոլելով ամենադժվար պայմաններում ֆուտուրիստական ​​ենթակառուցվածքներ ստեղծելու Հնդկաստանի կարողությունը»,- գրել է Մոդին։

Նրա խոսքով՝ կամրջի կառուցումը նշանավորում է «շրջադարձային պահ՝ Ջամմուի և Քաշմիրի զարգացման գործում» և հնարավորություններ է ընձեռում առևտրի և զբոսաշրջության համար։